Cupressus  torulosa

Lambert, A Description of the Genus Pinus, 1832, Vol. II.


59. CUPRESSUS TORULOSA.

BHOTAN CYPRESS.

     C. TORULOSA, foliis ovatis obtusis quadrifariam imbricatis, galbulis globosis pedicellatis: squamis umbonatis, ramulis teretibus torulosis divaricatis confertissimis patentibus.

     Habitat in Indiâ Orientali (Roxburgh), in Bhotaniâ. W. S. Webb.


DESCRIPTIO.

     Arbor pulchra, pyramidata, ramosisima, cortice brunneo deciduo tecta. Rami conferti, assurgentes. Ramuli confertissimi, teretes, divaricati, patentes torulosi, 2-6 pollices longi, undique foliis crebrè imbricati. Folia minuta, ovata, obtusa, convexa, laevissima, quadrifariam imbricata, omninò adpressa, viridia; adultiora persistentia atque simul cum cortice decidua. Amenta mascula nondùm nisi novella vidi; haec in summo ramulorum minorum numerosa, clavata, tetragona, imbricata. Galbuli globosi, pedicello brevissimo squamoso suffulti, picei coloris, rare glauco coerulescentes: squamis trapeziformibus, medio umbonatis, crassis, lignosis.